ٹی 20 ورلڈ کپ: سیمی فائنل میں کون پہنچے گا‘ پاکستان اور ویسٹ انڈیز کے درمیان فیصلہ آج ہو گا

 میرپور(این این آئی)آئی سی سی ٹی ٹوئنٹی ورلڈکپ میں پاکستان اور ویسٹ انڈیز کے درمیان اہم میچ آجمنگل کو کھیلا جائیگا ٗ جیتنے والی ٹیم سیمی فائنل کیلئے کوالیفائی کرجائیگی ٗ میچ پاکستانی وقت کے مطابق شام ساڑھے چھ بجے شروع ہوگا شیڈول کے مطابق ایونٹ میں آج منگل کو آخری دو گروپ میچز کھیلے جائیں گے، پہلے میچ میں میزبان بنگلہ دیش اور آسٹریلیا کی ٹیمیں مدمقابل ہوں گی جبکہ اسی گروپ کا دوسرا میچ پاکستان اور ویسٹ انڈیز کے درمیان کھیلا جائے گا دونوں میچز شیر بنگلہ نیشنل سٹیڈیم، میرپور میں کھیلے جائیں گے دوسری جانب پاکستانی ٹیم کے کپتان محمد حفیظ نے کہا ہے کہ غلطی کی گنجائش نہیں ٗ کھلاڑیوں کے حوصلے بلند ہیں ٗویسٹ انڈیز کے خلاف میدان میں اترنے کیلئے بے چین ہیں ٗبنگلہ دیش کیخلاف میچ میں کامیابی پر حفیظ نے کہا کہ پاکستان نے یہ کامیابی ٹیم ورک کی وجہ سے حاصل کی اور آج کی فتح میں ہر کھلاڑی کا حصہ ہے ویسٹ انڈیز کے خلاف میچ میں بھی ٹیم قوم کی امیدوں پر پورا اترنے کی کوشش کریگی۔ ادھر ویسٹ انڈیز ٹیم کے کپتان ڈیرن سیمی نے کہا ہے کہ پاکستانی ٹیم کو آسان حریف تصور نہیں کرینگیٗ سیمی فائنل میں پہنچنے کیلئے پوری کوشش کرینگے۔