پاکستان اور ویسٹ انڈیز کا میچ یوفون کی طرف سے دکھانے کے انتظامات

لاہور (پ ر) محب وطن ٹیلی کام کمپنی یو فون آئی سی سی ورلڈ ٹونٹی 20 کے اہم ترین میچ جو پاکستان اور ویسٹ انڈیز کے درمیان آج یکم اپریل کو کھیلا جا رہا ہے، کو پاکستان کے 9 مختلف شہروں میں دکھا رہا ہے۔ سکریننگ کراچی، لاہور، اسلام آباد، گوجرانوالہ، فیصل آباد، ملتان، حیدرآباد،سیالکوٹ اور سکھر شہروں کے مختلف مقامات اور مارکیٹوں پر ہو گی اور تمام عوام کیلئے داخلہ کھلا ہے۔ یوفون کے جنرل منیجر مارکیٹنگ تیمور چیمہ نے کہا کرکٹ تمام پاکستانیوں کو ایک دوسرے کے قریب لانے کا ایک مضبوط ذریعہ ہے۔ یو فون اس جذبے میں معاونت فراہم کرتا ہے ۔