ہاکی فیڈریشن ایگزیکٹو بورڈ کا اجلاس رواں ماہ ہو گا

لاہور(سپورٹس رپورٹر) پاکستان ہاکی فیڈریشن کے ایگزیکٹو بورڈ کا اجلاس اپریل کے دوسرے ہفتے میں ہوگا جس میں پاکستان ہاکی ٹیم کے اور ملک بھر میں قائم اکیڈمز کے مستقبل کا فیصلہ کیا جائے گا۔ پاکستان ہاکی فیڈریشن کے صدر اولمپئن اختر رسول نے بیماری سے صحت یاب ہونے کے بعد دوبارہ چارج سنبھال کر کام کا آغاز کر دیا۔ ذرائع کے مطابق صدر پی ایچ ایف نے اپریل کے دوسرے ہفتے میں ایگزیکٹو بورڈ کا اجلاس بلانے کے لئے صلاح و مشوروں کا آغاز کر دیا۔