لاہور (نمائندہ سپورٹس) حاجی عرفان الحسن بھٹی صدر ہاکی کلب بھلیر نے کہا ہے کہ ہاکی انشااللہ جلد ترقی کی نئی منزل طے کرکے رہے گی اور انشااللہ سارے کپ ہم واپس دوبارہ پاکستان لائیں گے۔ شہباز سینئر اور طاہر زمان، نوید احمد کی قیادت میں ہاکی کی کامیابی کیلئے سکول لیول سے دوبارہ ہاکی شروع ہو چکی ہے جوکہ کامیابی کا منہ بولتا ثبوت ہے۔ ضلع ننکانہ کی ہاکی ٹیم کے کوچ احسان اور آصف ندیم گوگا نے بھی خطاب کیا۔