رسالپور (آئی این پی) برطانیہ کے ایئر چیف مارشل سر سٹیفن جان نے کہا ہے کہ پاکستان نے دہشت گردی کےخلاف جنگ میں کامیابیاں حاصل کی ہیں‘پاک فضائیہ جدید ٹیکنالوجی سے لیس ہے جس نے خود انحصاری حاصل کرنے کی کامیاب کوششیں کیں‘دہشت گردی کےخلاف جنگ میں پاک فضائیہ کے کردار کو سلام پیش کرتا ہوں‘ برطانیہ کے پاکستان سے ہمیشہ مضبوط تعلقات رہے ہیں جبکہ ایئر چیف مارشل سہیل امان نے کہا ہے کہ پاک فضائیہ کو درپیش ہر طرح کے چیلنجز سے نمٹنے کیلئے تیار ہے۔پاکستان اور برطانیہ کی فضائی افواج مےں بہترین تعلقات ہیں، مستقبل میں دونوں ملکوں کے درمیان تعلقات کو مزید فروغ حاصل ہو گا، وہ پی اے ایف اکیڈمی اصغر خان میں 118 کمبیٹ سپورٹ کورس کی گریجویشن تقریب سے خطاب کررہے تھے۔ جمعہ کو پی اے ایف اصغر خان اکیڈمی رسالپورمیں کیڈٹس کی پاسنگ آو¿ٹ پریڈ کی تقریب منعقد ہوئی تقریب کے مہمان خصوصی برطانوی فضائیہ کے سربراہ ایئر چیف مارشل سر سٹیفن ہلیر تھے جنہوں نے پاس آﺅٹ ہونے والے 43 کیڈٹس کو بیجز لگائے ان میں 9 لیڈی کیڈٹس بھی شامل تھیں۔تقریب سے خطاب میں برطانوی فضائیہ کے سربراہ ایئر چیف مارشل سر سٹیفن ہلیر نے مزید کہا کہ دہشت گردی کے خلاف جنگ میں کامیابیوں میں پاک فضائیہ کی متاثر کن کارکردگی بھی شامل تھی انہوں نے پاک فضائیہ کی پیشہ وارانہ خدمات اور کارکردگی کی بھی تعریف کی۔ برطانوی ایئرچیف کا کہنا تھا کہ پاسنگ آﺅٹ پریڈ تقریب میں شرکت میرے لئے اعزاز ہے۔ ایئرچیف مارشل سہیل امان نے کہا ہے کہ پاک فضائیہ ملک کو درپیش ہر طرح کے چیلنجز سے نمٹنے کے لئے تیار ہے‘ آپریشن ضرب عضب کی کامیابی پاک فضائیہ کی پیشہ ورانہ صلاحیتوں کا ثبوت ہے‘ پاکستان اور برطانیہ کی فضائی افواج میں بہترین تعلقات ہیں‘ مستقبل میں دونوں ملکوں کے درمیان تعلقات کو مزید فروغ حاصل ہوگا۔ برطانوی ایئرچیف کی پریڈ میں شرکت دونوں ملکوں کے بہترین تعلقات کی عکاس ہے۔ انہوں نے کہا کہ کیڈٹس فیلڈ میں اپنی تمام صلاحیتیں بروئے کار لائیں۔ پاک فضائیہ قوم کی توقعات پر پورا اترے گی۔پاک فضائیہ ملک کے دفاع میں مرکزی ستون کی حیثیت حاصل ہے۔ پاک فضائیہ ملک کو درپیش ہر طرح کے چیلنجز سے نمٹنے کے لئے تیار ہے۔
برطانوی فضائیہ سربراہ