فیروزوالہ (نامہ نگار )گوجرانوالہ کا رہائشی نوجوان وقاص احمد اپنی بیوی یاسمین اور بیٹے عائرش وقاص کے ہمراہ موٹر سائیکل پر سوار ہو کر لاہور آرہے تھے شاہدرہ نہر کے قریب ٹرک نے انہیں ٹکر مار دی ۔جس سے تینوں افراد زخمی ہو گئے مگر کمسن بچہ عائرش دم توڑ گیا جبکہ میاں بیوی شدید زخمی حالت میں زیر علاج ہیں ۔ شاہدرہ ٹاون پولیس نے حادثہ کی رپورٹ درج کر لی ڈرائیور فرار ہوگیا ۔ شاد باغ کے علاقے عامر روڈ کا رہائشی 35 سالہ یونس عرف منا موٹر سائیکل پر جا رہا تھا کہ رنگ روڈ کے قریب سامنے سے آنے والی تیز رفتار موٹر سائیکل اس کی موٹر سائیکل سے ٹکرا گئی ۔جس کے نتیجے میں یونس موقع پر ہی جاں بحق ہوگیا۔