دبئی (آئی این پی)  انٹر نیشنل کرکٹ کونسل نے ٹی ٹوئنٹی، ٹیسٹ اور ون ڈے کرکٹ کی تازہ ترین رینکنگ جاری کر دی ہے۔ نیوزی لینڈ کے کین ولیمسن پہلی پوزیشن ،آسٹریلیا کے اسٹیو اسمتھ دوسرے جبکہ بابر اعظم ساتویں درجے پر موجود ہیں۔ ٹیسٹ بولرز کی رینکنگ میں آسٹریلیا کے پیٹ کمنز کی نمبر ون پوزیشن برقرار ہے، مختصر فارمیٹ کی بولنگ رینکنگ میں جنوبی افریقہ کے تبریز شمسی کا پہلا نمبر ہے، ٹی ٹوئنٹی میں قومی ٹیم کے کپتان بابراعظم دوسرے نمبر پر موجود ہیں، بابراعظم کے علاوہ کوئی دوسرا پاکستانی بلے باز ٹاپ ٹین میں موجود نہیں ہے۔ محمد عامر نویں پوزیشن پر موجود ہیں جبکہ نیوزی لینڈ کے ٹرینٹ بولٹ پہلی پوزیشن پر قابض ہیں، آل رانڈر کی کٹیگری میں بنگلہ دیش کے شکیب الحسن پہلے جبکہ انگلینڈ کے بین اسٹوک دوسرے نمبر پر قابض ہیں، پاکستان کے عماد وسیم پانچویں پوزیشن پر موجود ہیں۔