عادی چور کورئیر کمپنی کے ٹرک سے  ادویات چوری کر کے فرار،   مقدمہ درج

کوٹ ادو(خبر نگار)  لیپرڈ کورئیر کمپنی کا ٹرک نمبری 558ایم این ایس کا ڈرائیورمنیر جو ئیہ محمد انیس اور نوید بھٹی کے ہمراہ گزشتہ شب ملتان سے ڈیرہ اسماعیل خان ادویات لے کر جا رہا تھا کہ چوک سرورشہید میں رات کے 3بجے کچھ دیر کے لئے سو گیا، اسی اثنا میں نامعلوم چور ٹرک سے 90 کارٹن ادویات جن کی مالیت ایک لاکھ 22ہزار بتائی گئی ہے چوری کر کے فرار ہو گئے،پولیس چوک سرور شہید نے ڈرائیور منیر احمد جوئیہ کی مدعیت میں نامعلوم چوروں کے خلاف مقدمہ درج کرلیا۔