دینہ (نامہ نگار) دینہ کے قریب جی ٹی روڈ پر ٹریفک کا خوفناک حادثہ ہوا۔ تیز رفتار مسافروں سے بھری ہائی ایس  ٹائر پھٹنے کی   الٹ  گئی۔ خاتون سمیت 5افراد جاں بحق 9 شدید زخمی ہوگئے۔ 2 راولپنڈی  ریفر، زخمیوں کو ڈسٹرکٹ ہیڈ کواٹر ہسپتال جہلم منتقل کیا گیا۔ تفصیلات کے مطابق گزشتہ روز دینہ کے قریب جی ٹی روڈ چکوہا کے مقام پر گجرخان سے گوجرانوالہ جانے والی مسافروں سے بھری ہائی ایس تیز رفتاری کے باعث ٹائر برسٹ ہونے سے جی ٹی روڈ پر قلابازیاں کھاتے ہوئے اُلٹ گئی۔ جس سے علی رضا سکنہ گوجر خان، جارج مسیح سکنہ گوجر خان، ولی محمد سکنہ گنج منڈی، زبیر حسین ولد غلام قادر سکنہ اوکاڑہ اور ایک خاتون آمنہ بی بی سکنہ راولپنڈی جاں بحق ہو گئے۔ جبکہ 9افراد شدیدزخمی ہو گئے۔ حادثہ کی اطلاع ملتے ہی ریسکیو 1122، پولیس تھانہ دینہ، موٹر وے پولیس موقع پر پہنچ گئی۔ زخمیوں کو جہلم ریفر کیا گیا۔