لاہور(سپورٹس رپورٹر)آسٹریلوی کپتان ایرون فنچ نے میچ کے اختتام پر کہا کہ میرے خیال میں اوپننگ پارٹنرشپ نے پاکستان کیلئے  کھیل کی بنیاد رکھی۔ جب آپ بغیر کسی وکٹ کے نقصان پر 100 رنز بنا لیتے ہیں، تو یہ باقی لڑکوں کو آزاد انہ کھیلنے کا موقع ملتاہے اور بابر نے آکر ایک ناقابل یقین اننگز کھیلی۔ سوچا تھا کہ 348رنزاچھا سکور تھا لیکن ایسا نہیں ہوا۔ دوسری رات کے مقابلے میں کم اوس پڑی۔ رات بھر وکٹ بہت اچھا کھیلی، یہ ون ڈے کی ایک خوبصورت وکٹ تھی۔ میں نے سوچا کہ ہم نے اس کیساتھ کافی اچھا کھیلا۔ کچھ وقت ایسے تھے جب پاکستان نے خطرہ مول لیا اور اٹیکنگ کرکٹ کھیلی‘بابر اعظم نے شاندار اننگز کھیلی۔ایک وقت ایسا بھی آتا ہے جب حریف ٹیم کو روکنا مشکل ہوجاتاہے ۔ ہم نے بہت کوشش کی، یہ صرف آج رات نہیں ہونا تھا۔تیسرا میچ اچھا ہوگا اور سیریز جیتنے کی کوشش کرینگے ۔