لاہور ( سپیشل رپورٹر) لاہور آرٹس کونسل الحمراء میں 18ویں سالانہ ینگ آرٹسٹ نمائش 2022’’آراؤنڈدی کورنر‘‘کی افتتاحی تقریب کا انعقادکیا گیا۔نامور آرٹسٹ راشد رانا،ایگزیکٹوڈائریکٹر الحمراء ذوالفقار علی زلفی، آر ایم نعیم،ملیحہ عظمی آغا، قدوس مرزا نے شرکت کی۔تقریب کے مہمان خصوصی راشد رانا نے اظہار خیال کرتے ہوئے اپنی فنی سفر کے نشیب و فراز سے نوجوانوں کو آگاہ کیا۔ ایگزیکٹوڈائریکٹر الحمراء ذوالفقار علی زلفی کا نمائش میں نمایاں پوزیشن حاصل کرنے والوں کو مبارکباددی اور اس موقع پر کہا کہ انہی نوجوانوں میں سے مستقبل کے سٹار ز بنے گے،الحمراء مواقعوں فراہم کرنے میں اولین حاصل کر چکا ہے، ینگ آرٹسٹ نمائش آرٹ کی دْنیا کا برینڈ بن چکی ہے،گزشتہ 18برسوں سے اس نمائش کوجاری رکھنا اعزاز ہے۔ بعد ازاں نمائش کا افتتاح ہوا،مہمانوں نے نمائش میں آویزاں فن پارے دیکھے اور نوجوانوں کے کام کوسراہا۔