راولپنڈی (اپنے سٹاف رپورٹر سے) تھانہ وارث خان کے علاقے میں دو گروپوں میں فائرنگ سے دو افراد جاں بحق اور دو شدید زخمی ہو گئے پولیس کے مطابق کوہستانی گروپ اور راجہ ناصر گروپ کے دوران جرگہ میں لڑائی ہونے والے پر فائرنگ شروع ہوگئی جس سے راجہ ناصر اور اشرف کوہستانی جاں بحق ہوگئے جبکہ دو افرادزین(راجہ ناصر گروپ) اور ارسلان (کوہستانی گروپ) شدید زخمی ہو گئے زخمیوں کو فوری طبی امداد کیلئے بینظیر بھٹو ہسپتال منتقل کر دیا گیا جہاں فریقین کے عزیز و اقارب بھی پہنچ گئے جس کی وجہ سے ہسپتال میں شدید کشیدگی پھیل گئی اس صورتحال کی وجہ سے اضافی نفری ہسپتال میں طلب کرلی گئی ابتدائی تفتیش کے دوران پتہ چلا کہ کسی معاملے کی صلح کے لئیے جرگہ بلایا گیا تھا لیکن اچانک تلخی ہوجانے سے فائرنگ شروع ہوگئی فائرنگ سے راجہ ناصراوراشرف کوہستانی جاں بحق ہوگئے فائرنگ کی اطلاع ملتے ہی پولیس کی بھاری نفری جائے وقوعہ پر پہنچ گئی اور مقتولین اور دونوں زخمیوں کو تحویل میں لے کر زخمی افراد بینظیر بھٹو ہسپتال منتقل کردئے گئے جہاں پولیس کی بھاری نفری بھی تعینات کر دی گئی پولیس نے بتایا کہ تھانہ وارث خان کے علاقہ میں دو فریقین کے مابین لڑائی جھگڑے میں دو افراد کے قتل پر سی پی او عمر سعید ملک نے نوٹس لے لیاایس ایس پی انوسٹی گیشن اور ایس ایس پی آپریشنز کو موقع پر پہنچنے کی ہدایت، ایس پی راول کو ملزمان کو گرفتار کرنے کی ہدایت کی واقعہ میں دو افراد زخمی بھی ہوئے جنہیں ہسپتال منتقل کیا گیا ہے واقعہ کی اطلاع پر ایس پی راول،ایس ڈی پی او وارث خان موقعہ پر پہنچے،  پولیس کی بھاری نفری موقعہ اور ہسپتال میں موجود ہے پولیس نے بتایا کہ ابتدائی اطلاعات کے مطابق لڑاء جھگڑا بچوں کی لڑائی کے بعد ہوا۔