ایڈمنسٹریٹر فشرمینز کوآپریٹو سوسائٹی زاہد ابراہیم بھٹی کا دورہ ابراہیم حیدری

کراچی(کامرس رپورٹر)ایڈمنسٹریٹر فشرمینز کوآپریٹو سوسائٹی زاہد ابراہیم بھٹی کا ابراہیم حیدری میں مجاہد بلوچ کمیونٹی سینٹر کا دورہ، سلائی کڑھائی اورپینٹنگ سمیت مختلف شعبوں میں مہارت پر ماہی گیر بچیوں کی تعریف،ہماری ماہی گیر بچیاں مختلف شعبوں میں مہارت حاصل کرکے ملک وقوم کا نام روشن کریں گی۔زاہد ابراہیم بھٹی تفصیلات کے مطابق ایڈمنسٹریٹر فشرمینز کوآپریٹو سوسائٹی زاہد ابراہیم بھٹی گزشتہ روز مجاہد بلوچ کمیونٹی سینٹرابراہیم حیدری کے دورہ پر پہنچے۔جہاں پرپاکستان پیپلز پارٹی  ps 91کے صدرجان عالم جاموٹ اور عابد رضا بلوچ نے معزز مہمان کااستقبال کیا۔ایڈمنسٹریٹر فشرمینز کوآپریٹو سوسائٹی زاہد ابراہیم بھٹی نے مجاہد بلوچ کمیونٹی سینٹر میں قائم سلائی کڑھائی،کمپیوٹر،بیوٹیشن اور دیگر شعبوں کا دورہ کیا۔اور سلائی کڑھائی اورپینٹنگ سمیت مختلف شعبوں میں مہارت پر ماہی گیر بچیوں کی تعریف کی۔ایڈمنسٹریٹر فشرمینز کوآپریٹو سوسائٹی زاہد ابراہیم بھٹی نے کہا کہ ہماری ماہی گیر بچیاں مختلف شعبوں میں فنی مہارت حاصل کرکے فشر مین کمیونٹی اور ملک وقوم کا نام روشن کریں گی۔اس موقع پرجان عالم جاموٹ اورعابد رضا بلوچ نے ایڈمنسٹریٹر فشرمینز کوآپریٹو سوسائٹی زاہد ابراہیم بھٹی کو ماہی گیر بچی کی بنائی ہوئی پینٹنگ کا تحفہ بھی پیش کیا۔دورے میں انچارج مارکیٹ ویجلنس کمیٹی ایاز بھٹی اور محمد حسین بھی ایڈمنسٹریٹر کے ہمراہ تھے۔