برازیل میں مسافر بس پہاڑ سے گہری کھائی میں جاگری جس کے نتیجے میں 11افراد ہلاک اور20زخمی ہو گئے ۔غیرملکی خبررساں ادارے کے مطابق بس میں30سے زائد مسافر سوار تھے، جو کہ ملک کے مختلف علاقوں سے تعلق رکھنے والے مزدور تھے۔ ابتدائی رپورٹ میں کہا گیا کہ بس ڈرائیور نے لین چھوڑنے اور الٹنے سے پہلے اپنی سمت کھو دی تھی۔ حادثے کے وقت بارش ہو رہی تھی، اس کے علاوہ پولیس نے کہا کہ جس علاقے میں حادثہ پیش آیا وہاں ایک خطرناک موڑ تھا۔ جس کی وجہ سے بس بے قابو ہوکر گہری کھائی میں جا گری جس کے نتیجے میں11افراد ہلاک اور20زخمی ہو گئے۔پولیس نے بتایا کہ امدادی کارروائیاں شروع کر دی گئیں،لاشوں اور زخمیوں کو قریبی ہسپتال منتقل کردیا گیا ۔