لاہور(نمائندہ خصوصی) لاہور پولیس کے 13 اے ایس آئیز اور 28ہیڈ کانسٹیبلزکواگلے عہدوں پر ترقی دےدی گئی۔سربراہ لاہور پولیس ایڈیشنل آئی جی بلال صدیق کمیانہ نے کہا ہے کہ لاہور پولیس میں ملازمین کی پروموشن کا عمل باقاعدگی سے جاری ہے۔سی سی پی او بلال صدیق کمیانہ کی چیئرمین شپ میں پرموشن بورڈ اجلاس ہوئے۔ایس ایس پی آپریشنز صہیب اشرف،ایس ایس پی ایڈمن عاطف نذیر،ایس ایس پی انوسٹی انوش مسعود چوہدری پروموشن بورڈ میں شامل تھے۔پروموشن بورڈ میں اسسٹنٹ سب انسپکٹرز کی سب انسپکٹر کے عہدہ پر ترقی کے 27 جبکہ ہیڈ کانسٹیبلز کی اے ایس آئی کے عہدہ پر ترقی کے 69 کیسز زیر غور آئے۔کلیئر قرار دیئے گئے 13 اے ایس آئیز کو سب انسپکٹرز جبکہ 28 ہیڈ کانسٹیبلز کو اسسٹنٹ سب انسپکٹرز کے عہدے پر ترقی کے احکامات جاری کئے۔ترقی پانے والوں میں آپریشنز، انوسٹی گیشن ونگز، سکیورٹی ڈویژن سمیت مختلف یونٹس کے افسران و اہلکار شامل ہیں۔