ملک وقوم کیلئے شجرکاری سے بہتر کوئی سرمایہ کاری نہیں :شوکت ورک

لاہور (نیوز رپورٹر) ڈاکٹر شوکت بابر ورک نے کہا ہے کہ ملک وقوم کیلئے شجرکاری سے بہتر کوئی سرمایہ کاری نہیں۔فطرت کے حسن میں درخت کی اہمیت سے انکار نہیں کیاجاسکتا۔قدرت کوبھی درخت بیحدپسند ہیں۔ دنیا بھرمیں جہاں بھی کوئی مسلمان ایک بار سبحان اللہ کہتاہے تو محشر کے بعداسے جو جنت ملے گی وہاں ایک درخت لگادیاجاتا ہے۔ یاد رکھیں قومی خوشحالی اورہریالی کیلئے ہرسال ہربشر ایک شجر ضرور لگایا کرے۔ وزیراعلیٰ پنجاب مریم نواز کی قیادت میں صوبائی سطح پر شجرکاری مہم کا منظم آغاز مستحسن ہے۔شجرکاری مہم کی فقیدالمثال کامیابی کیلئے ہمارارفاعی ادارہ پنجاب کی متحرک اورانتھک وزیراعلیٰ مریم نواز کابھرپورساتھ دے گا۔ شجرکاری مہم کے سلسلہ میں امرودکاپودالگانے اور اجتماعی دعا کے بعد اپنے ٹرسٹیز اورسٹاف ممبرز سے خطاب کررہے تھے۔ٹرسٹیز سعیداحمدملک،محمدسہیل اورجنرل منیجر ناصرعباس بھی موجود تھے۔