بابراعظم‘ شاہین سمیت دیگر کرکٹرز کی سنوکر کھیلے کی ویڈیو وائرل

  لاہور (سپورٹس رپورٹر ) پاکستانی ٹیم میں کپتانی کو لیکر گروپ بندی کی خبریں سامنے آنے کے بعد قومی کرکٹ ٹیم کے کھلاڑیوں کی کاکول ٹریننگ اکیڈمی میں سنوکر کھیلنے کی ویڈیو سوشل میڈیا پر تیزی سے وائرل ہوگئی۔ مڈل آرڈر بیٹر افتخار احمد نے سماجی رابطے کی سائٹ فیس بک پر  ویڈیو پوسٹ کی، جس میں قومی ٹیم کے نومنتخب کپتان بابراعظم، شاہین شاہ آفریدی، محمد حارث، حسن علی، عماد وسیم، محمد عامر سمیت دیگر کرکٹرز سنوکر کھیل رہے ہیں جبکہ ایک دوسرے سے مذاق کررہے ہیں۔ افتخار احمد نے پوسٹ کے کیپشن میں لکھا کہ کاکول کیمپ میں ایک ساتھ اپنے وقت کا بھرپور مزہ لے رہے ہیں۔ ہمیں اپنی دعائوں میں یاد رکھیں۔