گوادر کمپلیکس پر حملہ دہشتگردی کی بزدلانہ کارروائی ہے:عرفان کھوکھر

شیخوپورہ (نمائندہ خصوصی)ایف ایف او سپورٹ پروگرام کے چیف ایگزیکٹو عرفان کھوکھر نے کہا ہے گوادر کمپلیکس پر حملہ دہشت گردی کی بزدلانہ کارروائی ہے ، مٹھی بھر دہشت گرد ملکی ترقی کے ویژن کی راہ میں رکاوٹ نہیں بن سکتے، سکیورٹی فورسز نے بروقت جوابی کارروائی کرکے حملہ ناکام بناکر عوامی تحفظ کی نئی مثال رقم کی ہے، سیکورٹی فورسز نے گوادر میں 8 دہشت گردوں کو جہنم واصل کرکے واضح کردیا ہے کہ ملکی امن و امان کو خراب کرنے کی کوئی کوشش کامیاب نہیں ہونے دی جائے گی اور دہشت گردوں کو کڑا جواب دیا جائے گا۔دہشت گرد وں کی کوئی قومیت نہیں یہ فقط معاشرے کے ناسور ہیں جن سے معاشرے کو ہر حال میں پاک کرنا ہوگا جس کیلئے سکیورٹی فورسز دن رات برسر پیکار ہیں اور دہشت گردوں کو چن چن کر ان کے انجام تک پہنچا یا جارہا ہے، انہوں نے کہا کہ پاکستان کی بہاد ر و جری فوج اور دیگر سکیورٹی ادارے ان شاء  اللہ ملک سے دہشت گردی کا مکمل صفایا کرکے دم لیں گے چند مٹھی بھر دہشت گرد قوم کو یرغمال نہیں بنا سکتے، شہدا وطن نے اپنی قیمتی جانوں کا نذرانہ دے کر دہشت گردی کیخلاف جنگ میں تاریخ رقم کی ہے۔