محمد آصف نے یہ کارنامہ ناٹنگھم ٹیسٹ کے تیسرے روزانگلینڈ کے ایلسٹر کُک کو آؤٹ کر کے انجام دیا۔ دوہزارپانچ میں ٹیسٹ کیرئیر کا آغاز کرنے والے محمد آصف نے اپنے کیرئیر کے بیسویں میچ میں وکٹوں کی سنچری مکمل کی۔ وہ یہ اعزاز حاصل کرنے والے چودہویں پاکستانی باؤلر ہیں۔ پاکستان کی طرف سے ٹیسٹ کرکٹ میں سب سے زیادہ چار سو چودہ وکٹیں حاصل کرنے کا اعزاز عظیم فاسٹ باؤلر وسیم اکرم کے پاس ہے۔ وقار یونس تین سو تہتر وکٹوں کے ساتھ اس فہرست میں دوسرے اور عمران خان تین سوباسٹھ وکٹوں کے ساتھ تیسرے نمبر پر موجود ہیں۔