ماسکو+ اسلام آباد(اے پی پی) روس کے صدر ولادی میر پوٹن نے ممنون حسین کو پاکستان کا صدر منتخب ہونے پر مبارک باد دی ہے۔ روسی خبر رساں ادارے کے مطابق ولادی میر پوٹن نے پاکستان کے نو منتخب صدر ممنون حسین کو مبارکباد کا پیغام بھیجا ہے۔ رپورٹ کے مطابق اپنے پیغام میں ولادی میر پوٹن نے اس توقع کا اظہار کیا ممنون حسےن روس اور پاکستان کے درمیان دوستانہ تعلقات کو مزید فروغ دینے کا باعث بنیں گے۔ علاوہ ازیں ترکی کے صدر عبداللہ گل نے بھی ممنون حسین کو صدر منتخب ہونے پر مبارکباد دیتے ہوئے اس یقین کا اظہار کیا ہے کہ انکی دانشمندانہ قیادت میں دودست اور برادر ملک پاکستان تمام شعبوں میں اپنی پیشرفت پر عزم انداز میں جاری رکھے گا۔