:عبدالقادر بلوچ نے تہمینہ دولتانہ کو ’’لیڈی مارشل‘‘ کا خطاب دیدیا

اسلام آباد ( وقائع نگار خصوصی) پارلیمنٹ ہائوس میں مسلم لیگ (ن) کے وزارت عظمیٰ کے امیدوار شاہد خاقان عباسی کا چیمبر قہقہوں سے گونجتا رہا۔ مسلم لیگ (ن) کی خاتون رکن تہمینہ دولتانہ مٹھائی کی ٹوکری لے کر شاہد خاقان عباسی کے چیمبر میں پہنچ گئیں اور چیمبر میں موجود دیگر ارکان پارلیمنٹ کو بھی مٹھائی پیش کی اس موقع پر سابق وفاقی وزیر لیفٹیننٹ جنرل (ر) عبد القادر بلوچ نے تہمینہ دولتانہ کو ’’لیڈی مارشل‘‘ کا خطاب دے دیا گیا، تہمینہ دولتانہ نے پارلیمنٹ ہائوس میں شاہد خاقان عباسی سے ملاقات کی اور ان کی کامیابی کیلئے نیک خواہشات کا اظہار کیا ۔ شاہد خاقان عباسی کے چیمبر لگائے جانے والے مسلم لیگی ارکان پارلیمنٹ کے قہہقوں کی گونج پارلیمنٹ کی لابیوں میں سنی گئی۔