قومی وطن پار ٹی کی علیحدگی، وزیر اعلیٰ کیخلاف تحریک عدم اعتماد کا خطرہ ٹل گیا

پشاور(بیورورپورٹ)خیبرپختونخوا حکومت میں اتحاد سے نکالے جانے کے بعد قومی وطن پارٹی کا وزیر اعلیٰ خیبر پختونخوا کے خلاف عدم اعتماد لانے کا خطرہ تحریک انصاف کے ناراض ارکان کی جانب سے انکار کے بعد ٹل گیاخیبر پختونخوا میں حکمران جماعت پاکستان تحریک انصاف کا قومی وطن پارٹی سے اتحادختم ہونے کے بعد بھی پاکستان تحریک انصاف کے پاس 62 اور ان کی اتحادی جماعت اسلامی کے پاس 7 ممبران کی اکثریت ہے جبکہ صوبائی اسمبلی میں اپوزیشن جماعتوں کے پاس کل 54 ممبران کے تعداد ہے جس میں پاکستان مسلم لیگ(ن) کے پاس 17،جمعیت علماء اسلام کے پاس 16،قومی وطن پارٹی کے پاس 10 جبکہ عوامی نیشنل پارٹی کے پاس 5 اور پاکستان پیپلز پارٹی کے پاس 6 ممبران ہیں ،اس وقت خیبر پختونخوا اسمبلی کے کل ممبران کی تعداد 123 ہے جس میں حکمران جماعت پاکستان تحریک انصاف اور انکی اتحادی جماعت اسلامی کے پاس 69 ممبران ہے جبکہ اپوزیشن جماعتوں کے کل ممبران کی تعداد54 ہے۔پاکستان تحریک انصاف کے ناراض ارکان نے گزشتہ روز فیصلہ کیا کہ وہ وزیر اعلیٰ خیبر پختونخوا کے خلاف اپوزیشن جماعتوں کی جانب سے پیش ہونے والے عدم اعتماد کا حصہ نہیں بنے گے ذرائع کے مطابق ناراض ارکان نے اجلاس میں فیصلہ کیا ہے کہ وہ وزیر اعلیٰ خیبر پختونخوا کو سیاسی شہادت کے خلاف تمام کوششوں کو ناکام بنائینگے خیبر پختونخوا اسمبلی میں پاکستان تحریک انصاف کے رکن اسمبلی سردار سورن سنگھ کے قتل کے بعد خالی نشست پر الیکشن کمیشن آف پاکستان نے پی ٹی آئی کے بلدیو کمار کا نوٹیفیکیشن جاری کیا ہے بلدیوکمار سردار سورن سنگھ قتل کے الزام میں گرفتاری کے بعد خیبر پختونخوا اسمبلی کے سپیکر نے تاحال انکوں اپنے عہدے کا حلف لینے کیلئے اسمبلی کاروائی میں بلانے کے لئے کوئی احکامات جاری نہیں کئے