پلاسٹک‘ پیکنگ اور فوڈ ٹیکنالوجی انڈسٹری کی 3 روزہ نمائش کل سے شر وع ہوگی

اسلام آباد(آن لائن ) پلاسٹک‘پیکنگ اور فوڈ ٹیکنالوجی انڈسٹری کی 3روزہ عالمی نمائش ’’پلاسٹی‘پبلک اینڈ آئی ایف ٹیک 2018ء ‘‘ کل جمعرات سے شروع ہوگی۔عالمی تجارتی نمائش کے منتظمین نے کہا کہ نمائش میں 30 ممالک کی 400 سے زائد کمپنیاں شرکت کریں گی جبکہ مختلف تجارتی تنظیموں اور مختلف ممالک کے سرکاری و غیر سرکاری وفود کی بھی شرکت متوقع ہے۔ ایکسپو سینٹر لاہور میں منعقد ہونیوالی نمائش میں آسٹریلیا ‘چین ‘ڈنمارک ‘برطانیہ ‘فرانس‘جرمنی‘یونان ‘ ہالینڈ ‘ بھارت ‘ انڈونیشیا ‘ ایران ‘ اٹلی‘جاپان ‘ ملائیشیا‘ فلپائن ‘ پولینڈ ‘ پرتگال‘ جنوبی کوریا ‘ سپین ‘ سویڈین ‘ سنگا پور ‘ سوئٹزرلینڈ ‘ تھائی لینڈ ‘ ترکی ‘ تائیوان ‘ متحدہ عرب امارات اور امریکہ کی کمپنیاں اپنی شرکت سے آگاہ کرچکی ہیں۔۔انہوں نے کہا کہ نمائش میں کالج آف ٹورازم اینڈ ہوٹل مینجمنٹ سمیت شفس ایسوسی ایشن بھی شرکت کررہی ہے۔انہوں نے کہا کہ نمائش کے انعقاد سے پلاسٹک اور پیکنگ کی مقامی صنعت کی ترقی اور فروغ میں مدد ملے گی۔