لاہور(کلچرل رپورٹر)سٹیج اداکار طاہر انجم نے عام انتخابات میں شاندار کامیابی پر پاکستان تحریک انصاف چیئرمین عمران خان اورانکی پارٹی کے نومنتخب تمام ارکان کو مبارکباد دیتے ہوئے امید ظاہر کی ہے کہ پی ٹی آئی کی حکومت عوام کی توقعات پر پورا اترے گی ۔صحافیو ں سے گفتگوکرتے ہوئے انکاکہناتھا عمران خان طویل جدوجہد کے بعد یہاں تک پہنچے ہیں اورپاکستانی عوام نے ان پر اعتماد کیا ہے۔ 2018ء کے انتخابات پاکستانی تاریخ کے شفاف ترین تھے جس کا کریڈٹ پاک فوج،عدلیہ اور الیکشن کمیشن کو جاتا ہے جس کیلئے میں ان تینوں اداروں کو خراج تحسین پیش کرتا ہوں۔ان اداروں نے صاف شفاف الیکشن منعقد کرائے جس سے دنیا بھر مین پاکستان کا سر فخر سے بلند ہوگیا-میں توقع رکھتاہوں کہ عمران خان ملک کیلئے بہترین وزیراعظم ثابت ہوں گے۔