مظفرآباد: دکان میں بارودی مواد کا دھماکہ، 2 افراد جاںبحق، 3 زخمی

مظفرآباد (صباح نیوز)مظفرآباد کے نواحی علاقے گڑھی دوپٹہ میں کریانہ کی دکان میں دھماکہ ہوا جس سے 2 افراد جاں بحق اور 3 شدید زخمی ہو گئے۔پولیس کے مطابق گڑھی کے قریب دوپٹہ کے مقام پر اس وقت دھماکہ ہوا جب کریانہ کی دکان میں پن بجلی منصوبے سے لائے بارودی مواد کو کھولنے کی کوشش کی گئی۔ دھماکے کے نتیجے میں قریب موجود 2 نوجوان فیصل اور وسیم موقع پر ہی جاں بحق ہوگئے جبکہ 3 نوجوان شدید زخمی ہوئے۔پولیس اور انتظامیہ موقع پر پہنچیں، زخمیوں کو ہسپتال منتقل کر دیا گیا۔ پولیس کا کہنا ہے کہ تفتیش کی جا رہی ہے کہ دھماکا خیز مواد یہاں کیسے پہنچا۔