لاہور(سپورٹس رپورٹر+نمائندہ سپورٹس) بروسلی میموریل سوسائٹی پاکستان کے زیر اہتمام بروسلی مارشل آرٹس سنٹر سنت نگر لاہور میں مارشل آرٹس کے بے تاج بادشاہ اور ایکشن فلموں کے ہیرو بروسلی کے 46 ویں یوم وفات پر شوتوکان کراٹے ٹورنامنٹ کا انعقاد کیا گیا جس میں ایک سو سے زائد لڑکے اور لڑکیوں نے حصہ لیا۔ مقابلوں میں لڑکے اور لڑکیوں نے شاندار کھیل کا مظاہرہ کیا۔ تقریب کے مہمان محمد الیاس خان صدر لاہور ڈسٹرکٹ کراٹے ایسوسی ایشن محمد کاشف اسلم سیکرٹری، محمد امجد خزانچی اور چیف کوچ شیخ طارق حسین بلیک بیلٹ نے نمایاں پوزیشن حاصل کرنے والے کھلاڑیوں میں میڈلز اور ٹرافیاں تقسیم کیں۔ اس موقع پر بروسلی اور اس کے شاندار کھیل کو خراج عقیدت پیش کیا۔