اعلیٰ مقصد کیلئے قربانی‘ حکمران قوم کو متحد کرنیکی کوشش کریں: بلاول

کراچی (نوائے وقت رپورٹ) بلاول بھٹو زرداری سے پارٹی رہنمائوں اور صوبائی وزراء نے ملاقات کی۔ سعید غنی نے بلاول بھٹو زرداری کو سیاسی صورتحال سے آگاہ کیا۔ بلاول بھٹو نے بارش کے دنوں میں وزراء کی کارکردگی کی تعریف کی۔ بلاول بھٹو نے ناصر شاہ سے بارشوں کے بعد شہر قائد کی صورتحال سے متعلق دریافت کیا۔ بلاول بھٹو زرداری نے کہا ہے کہ دنیا بھر میں بسنے والے مسلمانوں کو عیدالاضحیٰ کی مبارکباد دیتا ہوں۔ عیدالاضحیٰ پر مسلمان کو اعلیٰ مقصد کی خاطر قربانی کیلئے تیار رہنے کی یاد دلائی ہے۔ حکمران عوام کو اس حقیقی مقصد کیلئے متحد کرنے کی کوشش کریں۔ عوام سے اپیل ہے اپنے غریب بھائیوں کو بھی عید کی خوشیوں میں یاد رکھیں۔ معاشرتی انصاف کے ذریعے ہم زندگی میں ایک اعلیٰ مقصد حاصل کر سکتے ہیں۔