~راولپنڈی (اپنے سٹاف رپورٹر سے) اتوار کو اسلام آباد میں شدیدبارش کے باعث واسا راولپنڈی نے شہر میں الرٹ جاری کردیا اور جڑواں شہروں کے بارش ماپنے کے قائم چھ سٹیشنوں سے تازہ ترین معلومات حاصل کرنے کا سلسلہ جاری رہا سیدپور اسلام آباد میں 57 ملی میٹر بارش ہونے پر واسا نے نالہ لئی میں آنے والے پانی کے بہاؤ کی نگرانی شروع کر دی واسا نے سکر مشینیں بھی لیاقت باغ، کمیٹی چوک انڈرپاس ، اصغر مال روڈ، کمرشل مارکیٹ میں رات گئے منتقل کردیں جبکہ نالہ لئی کی مانیٹرنگ ٹیموں کو بھی الرٹ ہوکر ڈیوٹی دینے کی ہدایت کر دی گئی۔