راولپنڈی(سٹاف رپورٹر)75ویں یوم آزادی پاکستان کی ڈائمنڈ جوبلی تقریبات کے سلسلے میں راولپنڈی سپورٹس ڈیپارٹمنٹ کے زیراہتمام منعقدہ جمناسٹک کے مقابلے مدثر کلب نے جیت لیے۔ شہبازشریف سپورٹس کمپلیکس راولپنڈی میں جمناسٹک کے مقابلے منعقدہوئے جن میں نوجوان لڑکوں اور لڑکیوں کی کثیر تعداد نے جمناسٹک کا شاندار مظاہرہ کیا، ان مقابلوں میں پوائنٹس کی بنیاد پر مدثرکلب نے ٹرافی اپنے نام کرلی۔ ڈی اوسپورٹس عبدالوحیدبابر نے ڈی ایس او شمس توحید عباسی کے ہمراہ نمایاں کارکردگی کامظاہرہ کرنے والے بچوں اوربچیوں میں انعامات تقسیم کیے۔ واضح رہے کہ کمشنر راولپنڈی نورالامین مینگل اور ڈی سی راولپنڈی طاہرفاروق کی ہدایت پرراولپنڈی سپورٹس ڈیپارٹمنٹ کے زیراہتمام جشن آزادی کی ڈائمنڈجوبلی تقریبات کا آغاز ہوچکاہے جن میں مختلف کھیلوں کے مقابلے 31اگست تک جاری رہیں گے۔