لاہور (نوائے وقت رپورٹ) معروف گلوکار ابرارالحق نے غلاف کعبہ کی تیاری میں حصہ لینے کی سعادت حاصل کی اور ویڈیو سوشل میڈیا پر شیئر کر دی۔ ابرارالحق نے ٹوئٹر پر اپنے ہاتھوں سے ’’کسوہ‘‘ سینے کی ویڈیو جاری کی‘ جس میں گلوکار کو غلاف کعبہ پر ٹانکے لگاتے ہوئے دیکھا جا سکتا ہے۔ رپورٹ میں بتایا گیا کہ سعودی حکومت نے تاریخ میں پہلی بار یکم محرم الحرام کو غلاف کعبہ تبدیل کیا جبکہ گلوکار نے تبدیلی کے مناظر اور غلاف کی تیاری میں حصے لینے کی ویڈیو شیئر کی۔ انہوں نے لکھا کہ آج میرے والدین زندہ ہوتے تو بہت خوش ہوتے کہ ان کے گناہ گار بیٹے کو اللہ تعالیٰ نے اس سال کے نئے غلافِ کعبہ پر سونے کے دھاگے سے ایک ٹانکا لگانے کی سعادت دی۔
ابرار الحق