آصف زرداری سے سی پیک کے بانی کا کریڈٹ کوئی نہیں چھین سکتا:فیصل میر

لاہور(نامہ نگار)پیپلز پارٹی سنٹرل پنجاب کے رہنما فیصل میر نے کہا ہے کہ تاریخ میں آصف زرداری سے سی پیک کے بانی کا کریڈٹ کوئی نہیں چھین سکتا،ن لیگ کے دوست تاریخ مسخ کرنے کی بجائے آصف زرداری کو اسکا کریڈٹ دیں۔اپنے ایک بیان میں فیصل میر نے کہا کہ ن لیگ کی دوسرے درجے کی قیادت خوامخواہ سی پیک کا کریڈٹ لے رہی ہے،ہمارے دوست فوری طور پر یہ غلط پروپیگنڈہ بند کریں۔فیصل۔میر کا کہنا تھا کہ چینی حکومت سی پیک کا آغاز صدر زرداری اور صدر لی کے دور میں ہونے کا کئی بار اعادہ کر چکی ہے،ہمارے اتحادی دوست کم از کم چینی حکومت کے موقف کی ہی قدر کر لیں۔فیصل میر نے مذید کہا کہ آصف زرداری نے 2013میں صدر لی کیساتھ سی پیک کی بنیاد رکھی،اور کہا تھا کہ سی پیک ثمرات سے پاکستان کی آنیوالی نسلیں مستفید ہوں گی۔