لاہور(نامہ نگار)شادباغ ڈولفن ٹیم نے ڈکیتی کی وارداتوں میں ملوث 2 ملزموں کو گرفتارکر لیا ہے۔ ترجمان ڈولفن سکواڈ کے مطابق شادباغ کے علاقے میں ڈولفن ٹیم نے دوران پٹرولنگ 2 مشکوک موٹر سائیکل سواروں کو رکنے کا اشارہ کیا، تو انہوں نے موٹرسائیکل بھگا دی۔ جنہیں تعاقب کر کے گرفتار کر لیا گیا اور ان کے قبضے سے ڈمی پستول،چھینا گیا کیش، موبائل فون اورموٹر سائیکل برآمدکرلی ہے۔ گرفتار ملزمان شاہ رخ اور یاسر کو قانونی کارروائی کیلئے تھانہ شادباغ پولیس کے حوالے کردیا گیاہے۔