ٹیوٹا کاپنجاب کے مختلف شہروں میں ہاسپیٹیلٹی کورسز شروع کرنے کا فیصلہ

لاہور (کامرس رپورٹر)چیئرپرسن ٹیوٹا اور سیکرٹری انڈسٹریز احسان بھٹہ نے کہا ہے کہ ہاسپٹیلٹی سیکٹر میں روزگار کی مانگ کو دیکھتے ہوئے ٹیوٹا ابتدائی طور پنجاب کے تین شہروں میں کلنری آرٹس ،ہائوس کیپنگ اور فرنٹ آفس کے کورسز کا اجراء کر رہا ہے وہ ٹیوٹا سیکرٹریٹ میں اعلیٰ سطحی اجلاس کی صدارت کر رہے تھے۔ابتدائی طور پر یہ کورسز لاہور فیصل آباد ,بہاولپور اور راولپنڈی میں شروع کئے جا رہے ہیں جن کا دائرہ کار بعد ازاں دیگر اضلاع تک بڑھایا جائے گا۔فرنٹ آفس اور بیسک ہائوس کیپنگ کے کورسز تین ماہ دورانیہ کے ہوں گے جن کی کلاسز کا آغاز ستمبر میں ہو جائے گا ،جبکہ کلنری آرٹس کا کورس چھ ماہ دورانیہ کا ہو گا اور اس کے پہلے فیز کا آغاز بھی اکتوبر میں کر دیا جائے گا۔چیئرپرسن ٹیوٹا نے کورس کانٹینٹ پر بھی تفصیلی بریفننگ لی اور اسے مزید اپ ٹو ڈیٹ کرنے کی ہدایات دیتے ہوئے کہا کہ ان تمام بچوں کو سپوکن انگلش کی تربیت بھی دی جائے۔ٹیوٹا سے یہ کورس کرنے والوں بچوں کوآن جاب ٹریننگ بھی لازمی دی جائے گی۔