سپورٹس رپورٹر (سپورٹس رپورٹر)پاکستان سٹوڈنٹس اولمپک ایسوسی ایشن کے زیراہتمام ملک بھر میں جشن آزادی کے موقع پر کھیلوں کے نمائشی مقابلے 14اگست کو منعقد ہونگے۔ ایونٹس کی تیاریاں ابھی سے شروع کردی گئی ہیں اور اس سلسلہ میں تمام منسلک اداروں، صوبائی اور ریجنل ایسوسی ایشنز کو ہدایات جاری کر دی گئیں ہیں اور مقابلوں کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔ واضح  رہے کہ پاکستان سٹوڈنٹس اولمپک ایسوسی ایشن ہر سال یوم آزادی کے موقع 14اگست کو ملک بھر میں کھیلوں کے مختلف نمائشی میچز منعقد کرواتی رہی ہے۔