لاہور(سپورٹس رپورٹر) دنیائے کرکٹ میں جادوگر کہلانے والے افغان لیگ سپنر راشد خان نے ٹی ٹونٹی کرکٹ میں 600 وکٹیں حاصل کرنے کا اعزاز اپنے نام کرلیا۔ افغان گیند باز ٹی 20 کرکٹ میں سب سے زیادہ وکٹیں لینے والوں بولرز کی فہرست میں دوسرے نمبر پر ہیں،فہرست میں سابق ویسٹ اندین کپتان ڈی جے براوو پہلے نمبر پر ہیں، کیریئر کے دوران 630 وکٹیں حاصل کیں۔ فہرست میں دوسرے نمبر پر راشد خان ہیں جنہوں نے600 وکٹیں حاصل کیں۔ ویسٹ انڈیز کے سنیل نارائن 557 وکٹوں کیساتھ تیسرے‘ جنوبی افریقہ کے عمران طاہر 502 وکٹوں کیساتھ چوتھے اور بنگلہ دیش کے شکیب الحسن 492 وکٹوں کیساتھ پانچویں نمبر پر ہیں۔