وقار یونس کی پہلی اسائنمنٹ  بنگلہ دیش کیخلاف سیریز ہوگی 

 لاہور(سپورٹس رپورٹر)وقار یونس نے بطور ایڈوائزر کرکٹ افیئرز پی سی بی چیئرمین کے عہدے پر کام شروع کر دیا۔ذرائع کے مطابق چیئرمین پی سی بی محسن نقوی نے کرکٹ معاملات وقار یونس کو سونپے ہیں۔وقار یونس کی پہلی اسائنمنٹ بنگلادیش کیخلاف سیریز کے معاملات دیکھنا ہیں، وہ ٹیسٹ سیریز کیلئے سلیکٹرز اور کوچز کے ساتھ معاملات دیکھ رہے ہیں اورملاقاتیں شروع کردی ہیں۔بنگلہ دیش کے خلاف سیریز کا آغاز 21 اگست سے ہو گا جبکہ سیریز سے قبل پاکستان ٹیم کا اعلان اور کیمپ کا فیصلہ ہو گا، مہمان ٹیم 17 اگست کو اسلام آباد پہنچے گی۔