لاہور(سپورٹس رپورٹر)پیرس اولمپکس 2024ء میں جنوبی اور شمالی کوریا کے کھلاڑیوں کی پوڈیم پر لی گئی سیلفی وائرل ہوگئی۔جنوبی اور شمالی کوریا کے کھلاڑیوں کی ایسی تصویر کو منفرد قرار دیدیا گیا ہے کیونکہ پوڈیم پر دونوں ممالک کے کھلاڑی گھل مل گئے تھے۔غیر مکسڈ ڈبلز ٹیبل ٹینس میں شمالی کوریا نے سِلور اور جنوبی کوریا نے برونز میڈل جیتا تھا جبکہ مکسڈ ڈبلز میں چین نے سونے کا تمغہ جیتا تھا جس کے بعد میڈلز کیلئے پوڈیم پر شمالی اور جنوبی کوریا کے کھلاڑیوں نے سیلفی بنوائی تھی۔ کمنٹیٹرز نے کھلاڑیوں کی سیلفی کو سپرٹ آف گیم بھی قرار دیا۔شمالی کوریا اور جنوبی کوریا کے مابین کشیدگی پائی جاتی ہے جبکہ نیوکلیئر پاور شمالی کوریا نے جنوبی کوریا کو اپنا دشمن بھی قرار دیا ہوا ہے۔