ماڈل اعوان کوآپریٹو سوسائٹی میں ڈینگی آگاہی واک

لاہور(کامرس رپورٹر) سیکرٹری رجسٹرار و ڈپٹی رجسٹرار کی ہدایت پرماڈل اعوان کوآپریٹو سوسائٹی لمیٹڈ لاہور میں ڈینگی آگاہی واک کا اہتمام کیا گیا۔محکمہ کوآپریٹو کی جانب سے اسسٹنٹ رجسٹرار شجاع فاروکہ،حسنین شاہ ،منظور حسین اورغلام مصطفی ہوئے، اس کے علاوہ   صدر سوسائٹی حاجی غلام قادر اعوان ، جنرل سیکرٹری محمد عثمان اعوان، چوہدری محمد رفیق ،رانا محمد طفیل ایڈمن آفیسر خالد محمود علوی و ممبران سوسائٹی نے کثیر تعداد میں ڈینگی آگاہی واک میں شرکت کی۔ انسداد ڈینگی مہم کے سلسلے میں تمام سوسائٹی میں ڈینگی آگاہی بارے پمفلٹ تقسیم کئے۔ لوگوں کو ڈینگی سے بچائو بارے آگاہی دی۔ اس موقع پر شجاع فاروکہ نے کہا ڈینگی سے پاک پنجاب ہمارا عزم ہے۔ ہم ڈینگی کو شکست دینگے اور پورے پنجاب بلکہ پاکستان کو ڈینگی سے بچائیں گے۔ انہوں نے اہلیان سوسائٹی کو ہدایت کی کہ وہ اپنے گھروں میں پانی جمع نہ ہونے دیں۔ صفائی ستھرائی کا خاص خیال رکھیں۔