ہانیہ سے قبل اسرائیل نے حماس رہنماؤں یحییٰ  شیخ  یاسین، عبدالعزیز، صالح  العروری کو شہید کیا 

ریاض (انٹرنیشنل ڈیسک) اسماعیل ہانیہ سے قبل حماس کے دیگر رہنماؤں کو بھی اسرائیل نے قتل کیا۔ عرب میڈیا کی رپورٹ کے مطابق جنوری 1996ء میں اسرائیل نے غزہ میں حماس کے فوجی رہنما یحییٰ عیاش کو شہید کیا۔ رپورٹ کے مطابق مارچ 2004ء میں حماس کے بانی شیخ احمد یاسین غزہ میں اسرائیلی حملے میں شہید ہوئے جب کہ ایک ماہ بعد اپریل 2004ء میں شیخ یاسین کے جانشین عبدالعزیزالرنتیسی بھی غزہ میں اسرائیلی میزائل حملے میں شہید ہوئے۔ عرب میڈیا کے مطابق جنوری 2024ء میں حماس کے سینئر اہلکار صالح العروری بیروت میں اسرائیلی ڈرون حملے میں شہید کیے گئے۔