بھارت: مائو نواز علیحدگی پسندوں کا ٹرین پر حملہ‘ 3 پولیس اہلکار ہلاک

پٹنہ (اے ایف پی) بھارتی ریاست بہار میں مائو نواز علیحدگی  پسندوں کے ٹرین پر حملے سے3  پولیس اہلکار ہلاک  اور ایک شدید زخمی ہو گیا۔ سینئر پولیس افسر ایس کے بھردوراج نے میڈیا  کو بتایا کہ مائو نوازوں نے ٹرین پر ضلع منگر  میں اس  وقت فائرنگ کی جب یہ ایک سرنگ سے گزر رہی تھی فائرنگ اتنی شدید تھی مسافر سنبھل نہ سکے اور ڈرائیور کو مجبوراً  گاڑی روکنا پڑی۔ گوریلے پولیس اہلکاروں سے 5 رائفلیں  چھین کر فرار ہو گئے۔ ٹرین ریاستی دارالحکومت پٹنہ سے شاہ بگنج جا رہی تھی  رواں ہفتے  علیحدگی پسندوں کا بھارتی سکیورٹی فورسز پر دوسرا بڑا حملہ ہے۔