علی پور چٹھہ + جمبر (نامہ نگاران) علی پور چٹھہ میں معمولی تکرار پر فائرنگ کرکے ماں اور بیٹے کو قتل کر دیا گیا جبکہ جمبر میں گلی میں گدھا گاڑی کھڑی کرنے کے تنازعہ پر 6 افراد نے اینٹیں ، گھونسے اور مکے مار مار کر معمر شخص کو مار ڈالا ۔ تفصیلات کے مطابق علی پور چٹھہ کے محلہ پرانا تالاب میں سنی بٹ اور افضل قصائی کی کسی بات پر تکرار ہو گئی جس پر مشتعل ہو کر افضل قصائی نے فائرنگ کر دی جس سے سنی بٹ اور اس کی والدہ دونوں موقع پر دم توڑ گئے۔ ملزم فائرنگ کرتا ہوا فرار ہو گیا۔ علاوہ ازیں نواحی گائوں جمبر کلاں میں گلی میں گدھا ریڑھی کھڑی کرنے پر ملزمان لیاقت علی، نیامت علی اور چار نامعلوم افراد نے مکوں گھونسوں اور اینٹوں سے مار مار 55 سالہ شخص صلاح الدین کو قتل کر دیا اور فرار ہو گئے۔