ڈیرہ غازی خان (آئی این پی) ڈیرہ غازی خان میں حساس اداروں کی کارروائی میں مارے گئے تمام 4 دہشت گردوں کی شناخت کرلی گئی‘ مارے جانے والے دہشت گردوں کی شناخت ناصر‘ طارق‘ عثمان اور سلمان حسن عرف بلوچ کے نام سے ہوئی۔ پولیس ذرائع کے مطابق ناصر فیصل آباد‘ طارق گجرات اور عثمان گوجرانوالہ کا رہائشی تھا، دہشت گردوں کا تعلق کالعدم تنظیم سے تھا۔ سلمان حسن نے جناح ہسپتال پر حملہ کرکے اپنے ساتھیوں کو چھڑایا تھا اس کے علاوہ وہ گوجرانوالہ حملوں اور گڑھی شاہو لاہور میں حملوں میں بھی ملوث تھا۔
دہشت گردوں کی شناخت ہو گئی