ایبٹ آباد (اے پی پی) ایبٹ آباد سے نتھیاگلی ملاچھ جانے والی مسافر گاڑی کو پیش آنے والے حادثہ کے نتیجہ میں 6 مسافر زخمی ہو گئے۔ ایبٹ آباد سے نتھیاگلی ملاچھ گائوں آنے والی ٹیوٹا گاڑی نمبر 632 آر آئی ایل پھلسن کی وجہ سے ڈرائیور سے بے قابو ہو کر سڑک پر الٹ گئی جس سے گاڑی میں موجود 8 افراد بابو ذوالفقار بھٹو، کاشف ولد شبیر حسن، اسد عابد ولد منگی، محمد یاسر صادق ولد میر زمان، عمران ولد یوسف اور ڈرائیور جہانزیب ولد لال خان معمولی زخمی ہو گئے ہیں۔ حادثہ کی اطلاع ملتے ہی اہلیان علاقہ کی کثیر تعداد موقع پر پہنچ گئی اور معمولی زخمی افراد کو گاڑی سے نکال کر بنیادی مرکز صحت سے ابتدائی طبی امداد دلوا کر گھروں کو روانہ کر دیا ہے۔