پی سی بی کو نئے ٹیلنٹ کی تلاش کیلئے اقدامات کرنا ہونگے: حسن رضا

لاہور(نمائندہ سپورٹس)سابق ٹیسٹ کرکٹر حسن رضا کا کہنا ہے کہ پاکستان کرکٹ بورڈ کو نئے ٹیلنٹ کی تلاش کیلئے اقدامات کرنا ہوں گے۔ ماضی میں ہر کرکٹر کا متبادل موجود ہوتا لیکن اب گزشتہ چند برسوں سے صورت حال مختلف ہے، پاکستان کرکٹ بورڈ کو نئے ٹیلنٹ کی تلاش کیلئے بورڈ کیساتھ الحاق شدہ ایسوسی ایشن کے ساتھ مستقل بنیادوں پر کرنا ہوگا۔آئی سی سی سی کرکٹ اکیڈیمی کے کوچ مبین شاہد راجہ نے کہا کہ راولپنڈی کی تاریخ میں پہلی مرتبہ ورلڈ کلاس کرکٹ اکیڈمی کا آغاز کیا جارہا ہے اکیڈیمی میں نوجوانوں کو کرکٹ کے گر سکھائیں جائیں گے، آرمی ہیرٹج فاونڈیشن کے ڈائریکٹر جنرل سپورٹس عبد الرحمان نے کہا کہ ایوب پارک کرکٹ گراونڈ میں دو گراونڈز اور کھلاڑیوں کی پریکٹس کیلئے 35 نیٹ لگائے گے ہیں جہاں بڑی تعداد میں کلب کرکٹرز شرکت کرتے ہیں کرکٹ گراونڈمیں عالمی معیار کا پویلین اور سابق ٹیسٹ کرکٹرز کی نایاب تصاویر پر مشتمل میوزیم بھی بنایا گیا ہے۔