لاہور(نمائندہ سپورٹس )ضلعی اتھلیٹکس چیمیئن شپ یکم دسمبر سے کرٹس گرائونڈ کھلابٹ میں شروع ہو گی۔ چیمپیئن شپ کو کامیاب بنانے کیلئے تمام تر تیاریاں مکمل کر لی گئی ہیں۔ ڈسٹرکٹ سپورٹس آفس ہری پور کے زیر اہتمام ضلعی اتھلیٹکس چیمپئن شپ یکم دسمبر کو صبح 9 بجے شام 4 بجے تک کمیٹی گرائونڈ میں منعقد ہو گی۔ چیمپئن شپ میں اتھلیٹکس کے 13 ایونٹ شامل ہیں جن میں 100 میٹر، 200 میٹر، 400 میٹر، 800 میٹر اور 1500 میٹر ریس، لانگ جمپ، ٹرپل جمپ، ہائی جمپ، ڈسکس تھرو، جیولن تھرو اور شاٹ پٹ شامل ہیں۔ چیمپئن شپ میں ضلع بھر سے اتھلیٹس شرکت کریں گے اور جیتنے والے اتھلیٹس کو کیش انعام، سرٹیفکیٹ، گولڈ میڈل، سلور میڈل اور برائونز میڈل دیئے جائیں گے۔