ہمبنٹوٹا(سپورٹس ڈیسک) لنکا پریمیئر لیگ 2020کے 5 ویں میچ میں جافنا سٹالینز نے ڈمبولا وائیکنگز کو 66 رنز سے شکست دیدی‘ تھیسارا پریرا میچ کے بہترین کھلاڑی قرار پائے۔ پیر کو مہنداراجا پاکسے سٹیڈیم میں کھیلے گئے ایل پی ایل کے پانچویں میچ میں ڈمبولا وائیکنگز کی ٹیم نے ٹاس جیت کر پہلے فیلڈنگ کا فیصلہ کیا۔جافنا سٹالینز 36کے سکور پر 4 کھلاڑی آؤٹ ہو چکے تھے۔ کپتان تھیسارا پریرا نے قائدانہ اننگز کھیلتے ہوئے 44 گیندوں پر 7 چھکوں اور 8 چوکوں کی مدد سے 97 رنز کی ناقابل شکست اننگز کھیلی۔ جافنا سٹالینز نے مقررہ 20 اوورز میں سات وکٹوں کے نقصان پر 218 رنز بنائے۔ڈمبولا کی طرف سے سمت پٹیل 2 کھلاڑیوں کو آؤٹ کرکے نمایاں بولر رہے۔ 219 رنز کے تعاقب میں ڈمبولا کی پوری ٹیم آخری اوور کی پہلی گیند پر 152 رنز پر ڈھیر ہوگئی۔ جبکہ فرنینڈو اور کپتان تھسارا پریرا نے دو دو کھلاڑیوں کو آؤٹ کیا۔ جافنا سٹالینز نے ڈمبولا کو 66 رنز سے شکست دے کر لنکا پریمیئر لیگ کے پوائنٹس ٹیبل پر پہلی پوزیشن حاصل کرلی۔