سانگلہ ہل:  رحمان بابا ایکسپرس کی بوگی پٹڑی سے اتر گئی،ٹرینوں کی آمد و رفت معطل 

سانگلہ ہل(نمائندہ خصوصی)کراچی سے پشاور جانے والی 47اپ رحمان بابا ایکسپریس ٹرین کی بوگی پٹری سے اتر گئی،جسکی وجہ سے ٹرینوں کی آمدو رفت معطل ہو گئی، ٹرین آہستہ ہونے کی وجہ سے زیادہ نقصان نہیں ہوا ، 5 گھنٹے بعد پٹری کی مرمت کرکے ریلوے ٹریفک بحال کر دی گئی،بتایا گیا ہے کہ کراچی سے پشاورجانے والی 47 اپ رحمان بابا ایکسپریس ٹرین جب صبح5بج کر 25منٹ پر ریلوے پھاٹک غربی پر پہنچی تو ٹرین کی آخری بوگی (پاوروین) پٹری سے اتر گئی، ریلوے کے اعلیٰ حکام ریلیف ٹرین لے کر سانگلاہل پہنچ گئے اور پٹری کی مرمت کے کام کی نگرانی کرتے رہے،5گھنٹے بعد پٹری کی مرمت کرکے ریلوے ٹریفک کو بحال کر دیا گیا ۔