خانیوال(خبرنگار)صوبائی حلقہ206ضمنی الیکشن میں تحریک لبیک پاکستان کے امیدار شیخ محمداکمل نے کہاکہ عوامی حلقوں کی طرف سے قافلوں کی صورت میں شمولیت اور حمایت کے اعلانات اللہ کی نصرت ہے۔16دسمبر کو ہر پولنگ سے لبیک کی صدائیں بلند ہونگی۔ وہ رابطہ مہم کے دوران مختلف کارنرمیٹنگ سے خطا ب کے بعد سماجی شخصیت یامین کی رہائشگاہ پران کی برادری کے سرکردہ رہنمائوںسے ملاقات میں اظہار خیال کررہے تھے۔اس موقع پر یامین نے اپنی برادری سمیت حاجی محمداکمل کی مکمل حمایت کااعلان کیا۔ اس موقع پر شیخ محمدانور قریشی،شیخ فیضان رضا، عطا ء الرحمن، غلام صابر، ابوبکر قریشی، شیخ کامران،شیخ محسن،محمدالطاف،قاسم قریشی،محمدحمزہ،محمدانور،شیخ کامی، شہباز قریشی،شیخ زوہیب،شیخ صغیر،فقیر حسین، محمدروف اوردیگر بھی موجود تھے۔ جبکہ تحریک لبیک کے ضلعی امیر علامہ جاوید احمد چشتی ،علامہ امجد رضا سعیدی،لیگل ایڈوائزر محمد افضل ہمدانی نے 168/10Rمیں رابطہ مہم کے سلسلہ میں مختلف وفود سے ملاقاتیںکیں۔اس موقع پر حافظ عمران،چوہدری وسیم،محمدطارق نے اپنے ساتھیوںسمیت تحریک لبیک کی مکمل حمایت کااعلان کیا۔