جنوبی پنجاب کے 14ہزار 286منتخب سکول کونسلز نے حلف اٹھا لیا

ملتان،مخدوم رشید،کہروڑ پکا،دنیا پور،لودھراں ،جہانیاں ،ٹھٹھہ صادق آباد،وہاڑی، میلسی(خصوصی رپورٹر، نامہ نگار،خبرنگار،ڈسٹرکٹ رپورٹر،نمائندہ نوائے وقت،کرائم رپورٹر) ایجوکیشن ڈیپارنمنٹ کے زیر اہتما م  جنوبی پنجاب کیگیارہ اضلاع میں تقاریب حلف برداری کا انعقاد، سٹوڈنٹ کونسلز کے 14 ہزار 2 سو 86 منتخب نمائندوں اپنے عہدوں کا حلف اٹھا یاتفصیل کے مطابق ایڈیشنل چیف سیکرٹری جنوبی پنجاب کیپٹن ریٹائرڈ ثاقب ظفر نے کہا کہ رسمی تعلیم کیساتھ ساتھ طلباء کی غیر نصابی سرگرمیوں کے ذریعے تربیت اور ان کی قائدانہ صلاحیتوں کو اجاگر کرنا بیحد ضروری ہے پہلی بار جنوبی پنجاب میں سکول کونسلز کے انتخابات کا انعقاد کیا گیا ہے جو کہ انتہائی لائق تحسین ہے یہ بات انہوں نے گورنمنٹ کمپری ہنسو بوائز سکول ملتان میں منتخب نمائندوں سے اپنے عہدے کا حلف اٹھانے کی تقریب سے خطاب کرتے ہوئے کہی۔ اس موقع پرسیکرٹری سکول ایجوکیشن جنوبی پنجاب ڈاکٹر احتشام انور بھی موجود تھے۔ مخدوم رشید سے نامہ نگار کے مطابق گورنمنٹ ہائی سکول میں عبدالباسط ہاشمی نے صدر،محمد احمد ہاشمی نے نائب صدرجبکہ فشال زبیر ہاشمی نے جنرل سیکرٹری کا حلف اْٹھایا،کہروڑ پکا سے خبرنگار کے مطابق سٹوڈنٹ کونسل کی حلف برداری تقریب گورنمنٹ ماڈل ہائی سکول میں منعقد ہوئی دنیا پور سے نامہ نگار کے مطابق  ڈسٹرکٹ ایجوکیشن آفیسر سکینڈری ملک عامر حسین، ڈپٹی ڈسٹرکٹ ایجوکیشن آفیسر چوہدری فیاض حسین سندھو، پرنسپل بوائز ہائی سکول رانا حامد اختر، راؤعمر جاوید نے بوائز ہائی سکول میںتحصیل دنیاپور کے سکولوں میں منتخب عہدیداروں کی تقریب حلف برداری  میں شرکت کی،لودھراں سے ڈسٹرکٹ رپورٹر کے مطابق سٹوڈنٹ کونسل  کے نومنتخب عہدیداران صدر،نائب صدر اور جنرل سیکرٹری کی تقریب حلف برداری گورنمنٹ ہائیر سیکنڈری سکول لودھراں میں منعقد ہوئی۔ سی ای او ایجوکیشن لودھراں میاں عبدالرزاق نے نومنتخب عہدیداران سے حلف لیا، جہانیاں سے نامہ نگار کے مطابق گورنمنٹ ہائی سکول چک127دس آر میں سکول یونین کونسل کے صدر محمد عمیر،نائب صدرمحمد جواد اور جنرل سیکر ٹری محمد الیاس نے اپنے عہدوں کا حلف اٹھا یا،ٹھٹھہ صادق آباد سے نمائندہ نوائے وقت کے مطابق گورنمنٹ گرلز ہائی سکول میں سٹوڈنٹس کونسل کی تقریب حلف برداری میں ٹیچر رقیہ بیگم کی طرف سے نومنتخب سٹوڈنٹس سکول کونسل عہدیداران صدر آصفہ سجاد، نائب صدر عشائرشید، جنرل سیکرٹری کائنات ابرار سے حلف ،وہاڑی سے نامہ نگار اور کرائم رپورٹر کے مطابق گورنمنٹ گرلز ہائی سکول دانیوال تحصیل وہاڑی کے سکولوں کی سٹوڈنٹس کونسل کے منتخب عہدیداران کی حلف برداری کا انعقادہوا۔تقریب میں سی ای او ایجو کیشن وہاڑی محمد صہیب عمران، ڈی ای او سیکنڈری محمد رمضان لڑکا، ڈپٹی ڈائر یکٹر انفارمیشن میاں نعیم عاصم، ڈپٹی ڈی ای او خواتین وہاڑی سمیرا نسیم، سینئر ہیڈ مسٹریس ثمینہ کوثر، اسرار الحق، جویریہ رحمان اور اساتذہ نے شرکت کی۔