ٹوئٹر کی صارفین پر بغیر رضامندی کسی کی تصاویر شیئر کرنے پر پابندی عائد

سوشل میڈیا پلیٹ فارم ٹوئٹر  نے صارفین کے لئے ایک اور فیچر متعارف کروادیا۔جس کے بعد اب کوئی کسی کی بھی ویڈیو اور تصاویر بغیر اجازت شیئر نہیں کر سکے گا۔سوشل میڈیا پلیٹ فارم ٹوئٹر نے صارفین پر بغیر رضامندی کسی کی تصاویر شیئر کرنے پر پابندی عائد کردی ہے۔ ٹوئٹر حکام کے مطابق یہ پالیسی عوامی شخصیات نہیں بلکہ عام افراد کےلیے بنائی گئی ہے۔ نئے قوانین کے مطابق عام شخص ٹوئٹر کو ایسی تصاویر یا وڈیوز ہٹانے کا کہہ سکتا ہے جو اس کی مرضی کے بغیر پوسٹ کی گئی ہو۔ ٹوئٹر کی جانب سے نیٹ ورک پالیسی اور قوانین میں نئی پابندیاں سی ای او کی تبدیلی کے ایک دن بعد سامنےآئی ہیں۔